اداکار عمران عباس

عمران عباس نے عائزہ خان کی تعریفوں کے پل باندھ دیئے

شوبز اور لایف اسٹائل

Sharing is caring!

کراچی (ایکسپریس نیوز): اداکار عمران عباس نے اداکارہ عائزہ خان کی تعریفوں کے پل باندھ دیئے اور کہا کہ وہ ان کی سب سے پسندیدہ اداکارہ ہیں۔

عمران عباس نے انسٹا گرام پر اپنی اور مقبول ترین اداکارہ عائزہ خان کی تصویر مداح سے شیئر کی جس میں دونوں اداکار سیڑھیوں پر بیٹھے پوز دیتے نظر آرہے ہیں۔

اداکار نے تصویر کے ساتھ کیپشن میں ڈراموں کے نام بتاتے ہوئے کہا کہ تم کون پیا، محبت تم سے نفرت ہے، کوئی چاند رکھ اور تھوڑا سا حق اور پھر کہا کہ آپ میری سب سے پسندیدہ شریک فنکارہ ہیں اور اب ہمارا ایک اور ڈرامہ آنے والا ہے۔

عمران عباس نے عائزہ کی تعریفیں کرتے ہوئے کہا کہ آج بھی میرے الفاظ آپ کے لیے یکساں ہیں کہ آپ واقعی نہ صرف ایک خالص اداکارہ ہیں بلکہ میری بہترین دوست بھی ہیں، اللہ پاک آپ کو بہت نعمتوں سے نوازے۔

جواب دیں